Muzykaŭ z hurta Litesound zatrymali razam z baćkami
Pa infarmacyi Biełaruskaj Rady kultury, u kastryčniku 2022-ha zatrymali ŭsiu siamju Karakinych: bratoŭ-muzykaŭ Dźmitryja i Uładzimira, ich maci Volhu i baćku Juryja. Raniej paviedamlałasia tolki pra zatrymańnie bratoŭ.
Na ŭsich zaviali kryminalnyja spravy pa artykule 342 «Arhanizacyja ci padrychtoŭka dziejańniaŭ, jakija hruba parušajuć hramadski paradak». U ich znajšli siamiejnaje fota na prajeznaj častcy padčas adnaho ź mirnych niadzielnych maršaŭ 2020-ha.
U IČU ŭ Juryja Karakina adbyŭsia insult, ciapier jon doma. Astatnija členy siamji ŭtrymlivajucca ŭ SIZA na Vaładarskaha. Mierkavana, sud nad usimi čatyrma adbudziecca naprykancy studzienia.