Byłoha «vahnieraŭca», jaki prasiŭ prytułku ŭ Narviehii, chočuć departavać
U Narviehii zatrymali byłoha kamandzira PVK «Vahnier» Andreja Miadźviedzieva. Jon prasiŭ u hetaj krainie palityčnaha prytułku, ale jaho chočuć adtul departavać, paviedamlaje Gulagu.net.
Raniej Miadźviedzieŭ źbieh u Narviehiju, jak jon śćviardžaŭ, praz žorstkaść bajevikoŭ PVK «Vahnier», a da hetaha zaklikaŭ FSB pryciahnuć da adkaznaści samu kampaniju.
Pavodle infarmacyi Gulagu.net, Miadźviedzieŭ padpisaŭ kantrakt z PVK «Vahnier» na pačatku lipienia 2022 hoda i źbieh z bajavych pazicyj vahnieraŭcaŭ praz čatyry miesiacy.
Miadźviedzieŭ raskazaŭ, što pierajšoŭ miažu z Narviehijaj u rajonie pasiołka Nikiel Murmanskaj vobłaści. Były najmit zajaviŭ, što ŭ Osła jaho ŭžo naviedvaŭ śledčy, jaki zajmajecca spravami ab vajennych złačynstvach. Miadźviedzieŭ spadziavajecca, što pakazańni «jakija jon daść, adyhrajuć klučavuju rolu» ŭ rasśledavańni suprać PVK «Vahnier».
Gulagu.net piša, što Miadźviedzieva paśla zatrymańnia dastavili ŭ centr utrymańnia zamiežnych hramadzian z metaj nastupnaj departacyi.