Biełaruski Hajun: Rasija źniała 12 viertalotaŭ ź miažy Biełarusi i Ukrainy
Rasija adviała 12 bajavych viertalotaŭ ad miažy Biełarusi i Ukrainy. Techniku pierabaziravali z aeradroma Łuniniec na poŭdni Biełarusi ŭ centr krainy — na aeradrom Mačuliščy pad Minskam. Pra heta paviedamlaje manitorynhavaja hrupa «Biełaruski Hajun».
Havorka tut viadziecca pra viertaloty, pierakinutyja z Mačuliščaŭ u Łuniniec 19 studzienia. Tady Rasija raźmiaściła za 50 km ad ukrainskaj miažy 11 viertalotaŭ VKS RF, siarod jakich byli Mi-8 i Mi-24. Ciapier ža jany ŭsie viarnulisia nazad.
Pavodle infarmacyi «Biełaruskaha Hajuna», heta adbyłosia ranicaj 5 lutaha ŭ pieryjad pamiž 09:00 i 10:30.