Zahinułaha dobraachvotnika Eduarda Łobava mohuć pachavać na Pavonzkach u Varšavie — na hetych vajskovych mohiłkach pachavanyja viadomyja dziejačy
Raźvitańnie z Eduardam Łobavym projdzie ŭ Varšavie 11 lutaha ŭ 13 hadzin u kaściole sv. Alaksandra.
Raźvitańnie z Eduardam Łobavym u Kijevie. Uład Maksimienka / Biełsat
Ciapier iduć pieramovy pra toje, kab pachavańnie adbyłosia na viadomych u Varšavie mohiłkach na Pavonzkach. Heta vajskovyja mohiłki, dzie pachavanyja viadomyja dziejačy i tyja, chto zmahaŭsia za niezaležnaść Polščy ŭ XIX-XX stst.
Z pachavańniem Eduarda Łobava dapamahaje ambasadar Artur Michalski. Zhodna z praviłami pachavańnia na hetych mohiłkach, cieła musić być spačatku kremiravanaje, a tolki paśla hetaha prach možna pachavać u ziamlu.