Pad sietkami sa stolinskaj kapustaj rasijanam nielehalna vieźli hrušy
Supracoŭniki Raśsielhasnahlada, spyniŭšy na rasijskaj darozie biełaruskuju mašynu, vyjavili, što ŭ joj ź Biełarusi ŭ Rasiju vieźli 13 ton hruš biez dakumientaŭ.
Kali mašynu spynili ŭ Smalenskaj vobłaści, to jaje kiroŭca pakazaŭ fitasanitarny siertyfikat, vydadzieny biełaruskim bokam, zhodna ź jakim u mašynie pieravoziłasia 21 tona śviežaj biełakačannaj kapusty sa Stolinskaha rajona. Harodninu vieźli nibyta ŭ Sankt-Pieciarburh.
Adnak pry ahladzie transpartu supracoŭniki Raśsielhasnahlada vyjavili, što nasamreč pad sietkami z kapustaj byli schavanyja skryni z hrušami, i jakraz na ich u pieravozčyka nijakich dakumientaŭ nie było.
Hruz zatrymany, kiroŭcu źbirajucca pryciahnuć da administracyjnaj adkaznaści.