Jašče dźvie knihi ź biblijateki Chraptovičaŭ viarnulisia na radzimu
Knihi viarnulisia ŭ Biełaruś z Hiermanii, dzie zachoŭvalisia ŭ siamji Chiermana Juliusa Šviezinhiera — niamieckaha aficera, jaki padčas Pieršaj suśvietnaj vajny znajšoŭ ich u napaŭrazburanym pałacy i adpraviŭ na radzimu. Praz sto hadoŭ unuk Chiermana Chielmut Fikiel i ciotka Chielmuta Maryjon Šviezinhier znajšli mahčymaść viarnuć knihi ŭ Biełaruś zhodna z zapavietam Chiermana.
U lutym 2020 hoda listy pradstaŭnikoŭ rodu Chraptovičaŭ i try knihi byli viernutyja ŭ Biełaruś z Hiermanii, paviedamlaje telehram-kanał «De Facto. Biełaruskaja navuka».
U studzieni 2023-ha spadarynia Maryjon pieradała ŭ ambasadu Biełarusi ŭ Hiermanii jašče dźvie knihi, jakija znajšła ŭ svajoj biblijatecy, a taksama karcinu, jakuju jana namalavała paśla sustrečy ŭ 2020 hodzie. Na žal, abmiežavańni apošnich hadoŭ nie dazvolili naščadkam Chiermana Šviezinhiera naviedać Biełaruś asabista.
Vydańni, jakija viarnulisia ŭ Biełaruś, možna pabačyć u Muziei knihi Nacyjanalnaj biblijateki da 28 lutaha.
Jany buduć zachoŭvacca ŭ Nacyjanalnaj biblijatecy.
