U ZŠA źjaviacca murały na biełaruskuju tematyku
Prajekt stvareńnia ŭ amierykanskich haradach murałaŭ na biełaruskuju tematyku dziela pašyreńnia viedaŭ pra Biełaruś u efiry «Radyjo Racyja» anansavaŭ dyrektar u spravie kulturnickaj dypłamatyi Rady Biełaruskaj kultury Aleś Čachoŭski.
Biełaruski murał aŭtarstva mastački Hanny Radźko va Urocłavie (Polšča). Fota ilustracyjnaje
Pavodle Alesia Čachoŭskaha, jość pieršyja papiarednija damoŭlenaści nakont hetaha, a ambitnyja mety — stvaryć takija murały supolna z amierykanskimi mastakami va ŭsich bujnych haradach ZŠA.
«Kožny dzień adbyvajucca niejkija kroki dla ŭstalavańnia stasunkaŭ z tymi, chto moža padtrymlivać biełaruskuju kulturu i prasoŭvać biełaruskija kulturnickija prajekty, a razam z hetym zajmacca pramocyjaj i advakatavańniem Biełarusi.
My papiarednie damovilisia z našymi amierykanskimi partniorami, što ŭ kožnym bujnym horadzie źjavicca murał, ale moža heta i zanadta ambitna».
U kožnym razie realizavać prajekt raźličvajuć jak minimum u dziasiatku bujnych amierykanskich haradoŭ.