Hrodzienskaja milicyja likvidavała kala pamiežnaha punktu propusku «Pryvałka» stajanku rovaraŭ
Hrodzienskaja milicyja zrezała zamki z rovaraŭ kala punkta propusku «Pryvałka» i vyviezła ich, piša autogrodno.by.
Fota ilustracyjnaje
Rovary na miažy pakidali tyja, chto chacieŭ chutka pierabracca ŭ Polšču, minajučy aŭtamabilnuju čarhu. Mnohija rovary naležać dalnabojščykam.
Va UUS Hrodna žurnalistam skazali, što ŭsie rovary vyvieźli ŭ biuro znachodak AUS rajvykankama:
«Rovary z-pad punkta propusku «Pryvałka» pieramiaścili arhanizavana ŭ suviazi z tym, što mnohija ź ich znachodzilisia ŭzdoŭž darohi ŭžo doŭhi čas. Možna skazać, kinuli. Ułaśniki rovaraŭ mohuć źviarnucca na paznačany adras i zabrać svaju majomaść nazad. Ciapier svaich uładalnikaŭ čakajuć kala troch dziasiatkaŭ rovaraŭ».
Dla dokazu milicyjanty rekamiendujuć mieć pry sabie fota ŭładalnika z rovaram.