«Nas na hetaj zadačy było 45 čałaviek». «Važnyja historyi» pahutaryli z adnym z bajcoŭ «Ruskaha dobraachvotnickaha korpusa»
«Na ŭmovach ananimnaści» «Važnyja historyi« pahavaryli z adnym z bajcoŭ «Ruskaha dobraachvotnickaha korpusa», jon paćvierdziŭ vydańniu ŭdzieł u apieracyi ŭ Branskaj vobłaści.
Skryn videa
«Ja tolki što adtul. Nas na hetaj zadačy było 45 čałaviek. Zajšli, adzdymali, zrabili zasadu na dźvie BMP. Dziaciej paciarpiełych ja nie bačyŭ. Ale byŭ adzin paciarpieły pamiežnik. Nijakich zakładnikaŭ nie brali», — pryvodzić jaho słovy vydańnie.
U toj ža čas rasijskija dziaržaŭnyja ŚMI paviedamlajuć, što tak zvanych DRH u Branskaj vobłaści bolš niama. «Ukrainskija dyviersanty», jakija, pa ich raniejšych paviedamleńniach, zachapili da sta čałaviek u Branskaj vobłaści i ź jakimi nibyta viali boj supracoŭniki FSB, raptam pierastali prajaŭlać prykmiety aktyŭnaści.
Krynicy TASS naohuł śćviardžajuć, što na terytoryi Rasii nikoha z DRH nie zastałosia, hukaŭ stralaniny niama.