Mižnarodnaja fiederacyja fiechtavańnia ŭchvaliła viartańnie spartsmienaŭ ź Biełarusi da ŭdziełu ŭ spabornictvach
Rašeńnie ab viartańni rasijskich i biełaruskich spartsmienaŭ na spabornictvy pad ehidaj Mižnarodnaj fiederacyi fiechtavańnia pryniali na jaje pazačarhovym kanhresie, jaki prajšoŭ anłajn.
Rašeńnie nabudzie moc z druhoj pałovy krasavika, a čempijanat śvietu zapłanavany ŭ italjanskim Miłanie ŭ lipieni.
Pryniataje rašeńnie maje dazvolić biełaruskim i rasijskim spartoŭcam udzielničać u kvalifikacyi da Alimpijskich hulniaŭ — 2024 u Paryžy, ale adnosna taho, kab hetamu pieraškodzić, rašuča nastrojeny niekalki dziasiatkaŭ krain. Tamu vidavočna, što suprać hetaha rašeńnia varta čakać pratestaŭ.
Suprać taho, kab aficyjna sfarmavanyja ŭ Maskvie i Minsku delehacyi mahli ŭdzielničać u mižnarodnych spabornictvach navat pad niejtralnymi ściahami, rašuča vystupaje i biełaruski Fond spartyŭnaj salidarnaści. Na jahonuju dumku, šlach na Alimpijadu dla biełarusaŭ i rasijan moža być tolki indyvidualnym — praz adkrytaje i niedvuchsensoŭnaje asudžeńnie łukašenkaŭskaha i pucinskaha režymaŭ i raźviazanaj imi vajny va Ukrainie.
Čytajcie taksama:
Mižnarodny alimpijski kamitet nie płanuje zdymać sankcyi ź Biełarusi
MAK patłumačyŭ, jak represavanyja biełaruskija spartsmieny zmohuć vystupić na Alimpijadzie-2024