«Tamiflu» źjavicca ŭ minskich aptekach ciaham tydnia, jon kaštuje $40-50
U biełaruskim pradstaŭnictvie šviejcarskaj farmaceŭtyčnaj kampanii Roche raskazali, što zamiežny supraćvirusny zamiežny preparat «Tamiflu», jakoha niama ŭ minskich aptekach, źjavicca ciaham tydnia, paviedamlaje telegraf.by.
Košt upakoŭki z 10 kapsuł – $40-50, tak, u adnoj z aptek na praśpiekcie Niezaležnaści skazali, što da ažyjatažu jon pradavaŭsia pa 140 tys. rubloŭ za ŭpakoŭku.
Biełaruski «Arpietoł» kaštuje kudy mieniej, upakoŭka z 20 tabletkami kaštuje kala 22 tys., z 10 tabletkami – 13 tys.
Dziciačy «Arpietoł», h.zn. udvaja słabiejšy (10 tabletak) kaštuje 5 800 rubloŭ.
Ale jaho taksama ciažka znajści, kali i źjaŭlajecca, to na karotki čas.
U šerahu aptek užo źjavilisia vialikija abjavy:
«Siońnia ŭ prodažy niama: arpietołu, aksalinavaj mazi, anafieronu, masak i h.d.»
Interfaks-Zachad paviedamlaje, što leki ŭ apteki nie paśpiavajuć zavozić, i składy apuścieli. Taho ž «Arpietoła» raskupili trochmiesiačny zapas.
USIE NAVINY NA TEMU EPIDEMII HRYPU, PARADY, DAVIEDKI I ŽARTY