Parłamient Turcyi ratyfikavaŭ pratakoł ab ustupleńni Finlandyi ŭ NATA
Šlach krainie ŭ Aljans ciapier całkam adkryty, paviedamlaje Bi-bi-si.
Premjer Finlandyi Sana Maryn. Fota: Heinz-Peter Bader / AP
30 sakavika parłamient Turcyi ŭchvaliŭ zakonaprajekt, jaki dazvalaje Finlandyi ŭstupić u NATA. Za adpaviednaje rašeńnie prahałasavali 276 tureckich deputataŭ.
Turcyja stała apošniaj krainaj, jakaja ratyfikavała ŭstupleńnie Finlandyi ŭ Aljans. 27 sakavika anałahičnaje rašeńnie pryniaŭ parłamient Vienhryi.
Šlach dla Finlandyi ŭ NATA ciapier poŭnaściu adkryty.
Finlandyja i Šviecyja razam padali zajaŭku na ŭstupleńnie ŭ NATA. Jana była chutka ŭchvalena 28 krainami Aljansu, akramia Vienhryi i Turcyi. Apošniaja patrabuje ad novych čalcoŭ NATA bolš aktyŭnaha supracoŭnictva ŭ zmahańni z teraryzmam i, u pryvatnaści, ad Šviecyi — vydačy ludziej, jakich abvinavačvajuć u teraryźmie.
Pratakoł ab ustupleńni Šviecyi pakul nie adobrany.
Prezident Finlandyi padpisaŭ zakony ab ustupleńni krainy ŭ NATA