Jak pamyć vokny biez razvodaŭ
Važny jak vybar času myćcia, tak i jaho paradak.
Myćcio voknaŭ lepš pačynać nie z šyb, a z myćcia padvakońnia i akonnaj ramy
U myćci voknaŭ jość adzin sakret: kab paźbiehnuć plam ad vady, myć šyby lepš u pachmurny dzień, kali niama sonca, tady vada nie budzie tak chutka vysychać na škle.
Taksama myćcio voknaŭ lepš pačynać nie z šyb, a z myćcia padvakońnia i akonnaj ramy. Dla hetaha treba prybrać usie lišnija pradmiety i, kali nieabchodna, firanki.
Što vam spatrebicca? Viadro ź ciopłaj vadoj, achoŭnyja palčatki, srodak dla myćcia, a taksama anučy ci švabra ź miakkaj nasadkaj. Dobra mieć staryja haziety abo anuču ź mikrafibry — kali vyciraješ joju, nie zastajecca razvodaŭ i varsinak.
Jak myć
- Myć šyby treba źvierchu ŭniz, kab nie razmazvać brud pa čystym škle.
- Lepš spačatku prosta pracierci škło ad pyłu i brudu.
- Potym pamyć ich srodkam, jaki vykarystoŭvajecie. Pasprabujcie adzin bok akna (naprykład, unutrany) myć u haryzantalnym kirunku, a inšy (vonkavy) — u viertykalnym. Tady paśla myćcia adrazu budzie vidać, na jakim baku ŭtvarylisia padcioki, i ich možna budzie lohka prybrać.
- Paśla myćcia srodkam pramyjcie šyby čystaj vadoj.
- U kancy pratrycie šyby čystaj suchoj anučaj ź mikrafibry (jana vydatna ŭbiraje vadu i nie pakidaje razvodaŭ i varsinak) abo — stary pravierany sposab — zvyčajnymi hazietami, jakija ŭbiaruć usie reštki vilhaci i nadaduć škłu blask.
Što možna vykarystać zamiest myjnaha srodku?
- Zvyčajny mylny rastvor.
- Vocatnuju vadu: u čystuju vadu dadajecca stałovy vocat 9% z raźliku dźvie stałovyja łyžki na kožny litr vadkaści.
- Srodak dla myćcia posudu i vocat. Hetaja sumieś dobra admyje plamy z šyb. Źmiašajcie 500 mł vady, 70 mł vocatu i čajnuju łyžku vadkaści dla myćcia posudu.
- Kruchmał. Na litr vady dadajecca stałovaja łyžka kruchmału.
- Sol. Kali šyby nie vielmi brudnyja, to ich možna pamyć i adpaliravać sollu. Raźviadzicie dźvie stałovyja łyžki soli ŭ šklancy ciopłaj vady. Pierakanajciesia, što ŭsia sol rastvaryłasia, kab kryštaliki nie padrapali škło.
Čytajcie jašče:
Jak i čym myć chaładzilnik? Praktyčnyja parady
Duchoŭka brudnaja? Voś jak jaje vyčyścić chutka i prosta