U San-Francyska źjaviŭsia biełaruski murał
U horadzie naličvajecca 1000 murałaŭ, jakija adlustroŭvajuć šmatlikija nacyjanalnaści, ale biełaruskaha murała pakul nie było.
Mastačka — 15-hadovaja Saša Hierman biełaruskaha pachodžańnia. Na murale adlustravanyja tradycyjnyja elemienty — dziaŭčyny ŭ narodnych strojach, kupalskaje vohnišča, zubr, biełaruskija arnamienty.
Murał zrobleny ciaham 2 tydniaŭ z dapamohaj 50 vałancioraŭ va ŭzroście ad 8 da 70 hadoŭ. Znachodzicca pa adrasie 701 Taraval St, San Francisco
U apošni dzień malavać pryjšło bolš za 30 čałaviek, atrymałasia sapraŭdnaja tałaka. Šmat miascovych žycharoŭ cikavilisia situacyjaj u Biełarusi, vykazvali padtrymku i dziakavali za ŭpryhožańnie ich rajona, paviedamlajuć biełarusy San-Francyska.
Hrošy na murał byli sabranyja biełaruskaj supołkaj San-Francyska i siabrami. Lišak sabranych hrošaj budzie dasłany prajektu Dissidentby, jaki padtrymlivaje palitźniavolenych i ich siemji.
Taksama arhanizatary stvareńnia murała spadziavajucca ŭbačyć bolš biełaruskich murałaŭ u ZŠA i inšych krainach śvietu i hatovyja padzialicca dośviedam (naprykład, jak šukać ścianu), a taksama častkova finansava padtrymać adzin murał inšaj supołki. Napisać možna ŭ instahram.