Nacbank źbirajecca dazvolić fizičnym asobam «zasakrečvać» svaje kredytnyja historyi
Nacbank Biełarusi rychtuje papraŭki ŭ pryniaty jašče ŭ 2008 hodzie zakon ab kredytnych historyjach, jakija ŭ tym liku dazvalajuć fizičnym asobam ustanaŭlivać zabaronu na aznajamleńnie sa svaimi kredytnymi historyjami.
Rehulatar spadziajecca, što takaja papraŭka dazvolić abaranić kredytaatrymalnika ad ašukanskich dziejańniaŭ i vyjaŭleńnia kampramietujučych źviestak. Bieź viedama fizasoby atrymać takuju infarmacyju zmohuć tolki sudy i pravaachoŭnyja orhany.
Akramia taho, płanujecca značna pašyryć abjom infarmacyi, što ŭnosicca ŭ Kredytny rehistr Nacbanka.
Akramia kredytaŭ bankaŭ, u rehistr buduć unosicca danyja ab pradstaŭlenych fizičnaj asobie adterminoŭkach i rasterminoŭkach handlovymi abjektami i mabilnymi apieratarami, a taksama źviestki ab pradstaŭlenych finansavymi arhanizacyjami pazykach i dahavorach ab pieraŭstupcy doŭhu.