Pad Maładziečnam nie budzie schovišča fiekalnych adkidaŭ. Zdajecca, ludzi adstajali svajo
Ułady pieradumali budavać pad Maładziečnam schovišča dla minskich adkidaŭ.
Miesca pad Krasnym, dzie mahło być schovišča. Fota Kraj.by
Sažałku-nazapašvalnik «apadkaŭ haspadarča-fiekalnych ściokavych vod», jakija chacieli pryvozić sa stalicy, źbiralisia budavać kala vioski Krasnaje Maładziečanskaha rajona, nahadvaje kraj.by.
Ludzi pratestavali suprać budaŭnictva sažałki-nazapašvalnika i sabrali kala tysiačy podpisaŭ.
Abmierkavańni pa pytańni budaŭnictva sažałki-nazapašvalnika apadkaŭ haspadarča-fiekalnych ściokavych vod prajšli 30 sakavika ŭ Kraśnienskim domie kultury. Sustreča prajšła emacyjna, a 7 krasavika žychary Krasnaha dasłali Kraj.by dakumient. Miarkujučy pa źmieście jakoha, budaŭnictva sažałki-nazapašvalnika pad Maładziečnam nie budzie.
Rašeńnie padpisanaje namieśnikam staršyni Maładziečanskaha rajvykankama Siarhiejem Bochanam i vyniesienaje na padstavie «ahulnaha niehatyŭnaha ŭsprymańnia hramadskaściu ab budaŭnictvie abjekta».