U Łunincy da adnoj sa škoł pryjšoŭ babior FOTA
Babra pabačyli na parozie SŠ №1 na vulicy Haharyna ŭ Łunincy čytačy sajta «Miedyja-Paleśsie» i zrabili jaho fota.
Babior na parozie škoły ŭ Łunincy
Heta nie pieršy vypadak źjaŭleńnia babroŭ na haradskich vulicach. Raniej toje ž «Miedyja-Paleśsie» pisała, što babior vyrašyŭ «padlačycca» i pryjšoŭ da budynka balnicy ŭ Mikaševičach.
Babior kala budynka balnicy ŭ Mikaševičach
U vioscy Čyrvonaja Vola Łuninieckaha rajona babior vyjšaŭ u centr vioski — prosta da sielskaha Doma kultury, kala jakoha ŭładkavaŭsia na načleh. Pryniaŭšy babra za sabaku, prybiralščyca vyrašyła sahnać jaho ź miesca. Ale babior, abudziŭšysia, staŭ kidacca na žančynu.
Babior u vioscy Čyrvonaja Vola kala Doma kultury
Na Paleśsi babroŭ ciapier vielmi šmat. Ślady ich aktyŭnaj dziejnaści sustrakajucca na kožnym kroku: to zvalenaje vostrymi zubami dreva na bierazie raki, to płacina na mielijaracyjnym kanale…
Naprykład, u Stolinie babry pasialilisia na race Kopaniec u haradskim parku. Praŭda, samich žyvioł ludzi nie bačyli, ale ślady ich prysutnaści sustrakajucca ŭzdoŭž raki.
Fota z sacsietak
Čytajcie taksama:
Bierahi Śvisłačy ŭ Minsku aktyŭna asvojvajuć babry