U Minsku kolkaść pryvatnych dziciačych sadkoŭ źviali da nula
U Minsku nie zastałosia nivodnaha pryvatnaha dziciačaha sadka, zajaviła pieršaja namieśnica staršyni kamiteta pa adukacyi Minharvykankama Ludmiła Barysienka.
Fota ilustracyjnaje
«U Minsku niama pryvatnych dziciačych sadkoŭ — na žal, jany nie zmahli vykanać dalicenzijnyja patrabavańni. Dziaržaŭnyja daškolnyja ŭstanovy całkam zadavalniajuć zapyty baćkoŭ», — cytuje čynoŭnicu ahienctva «Minsk-Naviny».
Uvohule ž, jak śćviardžaje Barysienka, prablemy nijakaj niama: «U cełym, u nas kolkaść miescaŭ u dziciačych sadkach bolšaja, čym kolkaść dziciačaha nasielnictva».
Z pryvatnymi škołami ŭ Minsku ciapier situacyja farmalna lepšaja, ale nie našmat. Ciapier na ŭvieś horad ich zastałosia ŭsiaho try, astatnija pazbavili licenzij. Nijakich prablem nie ŭźnikła tolki ŭ Minskaj mižnarodnaj himnazii, jakuju źviazvajuć ź Irynaj Abielskaj, maci Mikałaja Łukašenki. Jana adkryłasia ŭ 2020 hodzie ŭ elitnym pasiołku Drazdy.
Čytajcie taksama:
Bolšaść pryvatnych aptek chutka nie zmoža pradavać leki pa receptach
DziaržSMI apublikavali pamier zarobkaŭ kiraŭnikoŭ pryvatnych handlovych sietak i ich rabotnikaŭ