Fota z razbomblenaj maryupalskaj radzilni pryznali fatahrafijaj hoda pa viersii World Press Photo
Fotazdymak paranienaj ciažarnaj žančyny, jakuju evakujujuć z Maryupalskaj radzilni, jakuju abstrelvali rasijskija vojski, udastojeny prestyžnaj premii World Press Photo.
Hałoŭnuju ŭznaharodu samaj prestyžnaj premii dla fotažurnalistaŭ World Press Photo atrymaŭ Jaŭhien Małaletka — ukrainski fatohraf, jaki pracavaŭ u Maryupali padčas šmatmiesiačnaj abłohi horada rasijskimi vojskami. Fota: AR
Zdymak byŭ zrobleny fatohrafam ahienctva Associated Press Jaŭhienam Małaletkaj 9 sakavika 2022 hoda.
Na fota — 32-hadovaja Iryna Kalinina. Jana pamierła ad atrymanych traŭmaŭ praz paŭhadziny paśla naradžeńnia miortvaha dziciaci, jakoha źbirałasia nazvać Mironam.
Spačatku rasijskija ŚMI i čynoŭniki śćviardžali, što fota byli pastanovačnymi, a paźniej admaŭlali dačynieńnie rasijskaha vojska da bambiožki radzilni.
Inšyja fota pieramožcaŭ World Press Photo hladzicie tut.