Student sa Šry-Łanki pamior u internacie ŭ Hrodnie
U Hrodnie rasśledujuć śmierć studenta Hrodzienskaha dziaržaŭnaha miedycynskaha ŭniviersiteta sa Šry-Łanki. 24-hadovy Cišan Kułaratne vučyŭsia na čaćviortym kursie, paviedamlaje Reform.by sa spasyłkaj na Colombo Page.
Cišan Kurałatne. Fota: lancasara.com
Tryvohu zabiła maci studenta, kali nie mahła da jaho datelefanavacca. Jana źviazałasia ź jaho siabrami. 30 krasavika jany pryjšli ŭ pakoj da Kułaratne i znajšli jaho trup. SK vyśviatlaje, ci była śmierć studenta suicydam, ci jon pamior pa inšaj pryčynie.
Na radzimie Kułaratne vučyŭsia ŭ prestyžnaj škole i pastupiŭ u Hrodzienski mieduniviersitet, kab stać doktaram. Na sajcie HrDMU Kułaratne zhadvajecca jak pryzior univiersiteckich alimpijad.