Pryjorbank uvodzić kamisiju ŭ pamiery 750 rubloŭ za miesiac absłuhoŭvańnia rachunkaŭ u jeŭra i dalarach. Kaho zakranuć novaŭviadzieńni?
Na sajcie ŭstanovy źjaviłasia infarmacyja ab źmienach u absłuhoŭvańni biahučych rachunkaŭ u dalarach ZŠA i jeŭra.
750 biełaruskich rubloŭ štomiesiac daviadziecca płacić tym, u kaho pa stanie na apošni pracoŭny dzień miesiaca rešta na rachunku składaje 50 000 dalaraŭ ZŠA ci jeŭra i bolš. Novaŭviadzieńni pačnuć dziejničać z 1 červienia.
Dziejańni banka ekanamist Nastaśsia Łuzhina tłumačyć tym, što Pryjorbank takim čynam chutčej za ŭsio choča adyści ad apieracyj u «niesiabroŭskich» valutach — kab ludzi sami zakryli svaje valutnyja rachunki praź vialikija staŭki.
«Naŭrad ci ŭ takim rašeńni jość niejkaja ekanamičnaja vyhada», — ličyć ekśpiert.