Milicyja praviała abłavu na Zybickaj. Tusoŭščykaŭ adpravili prybirać park Pieramohi
Minskaja milicyja aprabavała novuju formu prafiłaktyki, paviedamiła jaje pres-słužba.
Tusoŭčšyki z Zybickaj «dobraachvotna» prybrali park Pieramohi. Kadr ź videa
Pavodle MUS, staličnaja vulica Zybickaja stała «miescam kancentracyi pravaparušeńniaŭ: raśpivańnie śpirtnych napojaŭ, drobnyja chulihanstva, kradziažy».
Supracoŭniki Centralnaha RUUS praviali rejd i zatrymali hramadzian, jakija ŭčynili administracyjnyja pravaparušeńni.
Jak paviedamlaje MUS, «milicyjanty prapanavali zatrymanym dobraachvotna dapamahčy ŭ naviadzieńni paradku ŭ parku Pieramohi».
Pravaparušalniki ŭziali ŭdzieł u dobraŭparadkavańni parka, a supracoŭniki UP «Zielanbud» «arhanizavali čajavańnie» dla ich.