Polšča prapanavała Zialenskamu vybačycca za Vałynskuju raźniu
Pra heta zajaviŭ pradstaŭnik polskaha MZS Łukaš Jasina ŭ intervju Onet.
Padčas Vałynskaj raźni całkam zahinuła siamja Švieda. Fota: Instytut nacyjanalnaj pamiaci (Polšča)
Adkazvajučy na pytańnie, ci pavinien Zialenski paprasić prabačeńnia za Vałyń, pradstaŭnik polskaha zamiežnapalityčnaha viedamstva adznačyŭ, što ŭ situacyi, kali «ŭkrainskaja dziaržava hetaha nie zrabiła, prezident Zialenski pavinien, adnak, uziać na siabie bolš adkaznaści».
Na dumku Jasiny, jon pavinien skazać: «Prašu prabačeńnia, prosim ab prabačeńni». «Hetaja formuła vielmi dobra pracuje ŭ polska-ŭkrainskich adnosinach», — ukazaŭ jon.
«My, palaki, jak polskaja dziaržava ŭziali na siabie adkaznaść za złačynstvy, učynienyja našaj krainaj u dačynieńni da ŭkraincaŭ. Nie chapaje takoj adkaznaści z boku Ukrainy, choć šmat što źmianiłasia da lepšaha», — dadaŭ Jasina.
Jon pry hetym pryznaŭ, što ŭ adnosinach Polščy i Ukrainy jość šmat inšych, bolš važnych pytańniaŭ i dla ŭkrainskaha naroda ciapier prablema Vałynskaj raźni nie samaja važnaja.