Pazbavili licenzij jašče čatyroch advakataŭ
Kvalifikacyjnaja kamisija pa pytańniach advakackaj dziejnaści pazbaviła licenzij čatyroch advakataŭ, a jašče čatyrom abviaściła ab niapoŭnaj adpaviednaści pa vynikach pazačarhovaj atestacyi.
Licenzij pazbavili Alaksandra Ułasieviča i Śviatłanu Jakušavu ź Viciebskaj abłasnoj kalehii advakataŭ, a taksama raniej vyklučanych ź Minskaj abłasnoj kalehii advakataŭ Juryja Kozikava i Arcioma Siamjanava. Pryčyny zabaronu na prafiesiju — «ździajśnieńnie imi pravin, nie sumiaščalnych sa zvańniem advakata». U praktycy łukašenkaŭskaj Biełarusi heta amal zaŭsiody aznačaje sprobu abaranić abvinavačanych pa palityčnych artykułach.
Juryj Kozikaŭ abaraniaŭ Maksima Znaka i eks-śledčaha Jaŭhiena Juškieviča. Jon, darečy, muž Iryny Kozikavaj, siastry palitźniavolenaha Maksima Znaka. Arciom Siamjanaŭ — advakat Valancina Stefanoviča, Taćciany Kuzinaj, Ihara Łosika, Paŭła Biełavusa. Abodvuch jurystaŭ zatrymlivali ŭ sakaviku, kali ŭłady zładzili na advakataŭ sapraŭdnuju abłavu, jany adsiadzieli sutki.
Advakatam Hrodzienskaj abłasnoj kalehii Śviatłanie Basałaj, Śviatłanie Biryłavaj, Viačasłavu Sapryku i Aksanie Šupickaj abviaścili ab niapoŭnaj adpaviednaści z adterminoŭkaj atestacyi na šeść miesiacaŭ pry ŭmovie prachodžańnia pavyšeńnia kvalifikacyi.
Čytajcie taksama:
«Heta nastolki niespraviadliva, što padobna da načnoha kašmaru»
«Heta katastrofa». Kolkaść advakataŭ źmienšyłasia na čverć
Advakata vyklučyli z kalehii paśla aryštu za łajk u sacsietkach