SK zajaviŭ, što havaryć pra dakładnuju kolkaść zahinułych i paciarpiełych na Śvietłahorskim CKK rana
Śledčyja pakul nie majuć dostupu da usioj paškodžanaj terytoryi. Mahčyma, pad zavałami jašče jość ludzi.
«Častka terytoryi jašče niedastupnaja dla paŭnavartasnaha ahladu. Ciapier kazać pra dakładnuju kolkaść paciarpiełych i zahinułych zaŭčasna», — skazaŭ aficyjny pradstaŭnik Śledčaha kamiteta Alaksandr Suchadolski.
Supracoŭniki Śledčaha kamiteta pracujuć na miescy zdareńnia na terytoryi Śvietłahorskaha CKK.
Śledčyja dapytvajuć inžynierna-techničnych rabotnikaŭ kambinata i kiraŭnikoŭ, jakija byli zadziejničanyja na vytvorčaści. Adbirajecca dakumientacyja, jakaja rehłamientuje praviadzieńnie vytvorčych i ramontnych rabot, tabieli pracoŭnaha času i inšaja nieabchodnaja dla śledstva dakumientacyja.
Siońnia dniom vybuch adbyŭsia na zavodzie bielenaj celułozy ŭ Śvietłahorsku. Prynamsi try čałavieki zahinuli.