U Homieli pačaŭsia sud nad načalnikam cecha «Hamsielmaša». Jaho abvinavačvajuć u zdradzie dziaržavie
U Homielskim abłasnym sudzie 7 červienia pačaŭsia razhlad kryminalnaj spravy načalnika adnaho z cechaŭ vytvorčaha abjadnańnia «Homsielmaš» Uładzisłava Pudziaka, jakoha abvinavačvajuć u zdradzie dziaržavie pavodle č. 1 art. 356 Kryminalnaha kodeksa. Spravu razhladaje sudździa Alaksandr Piskunoŭ, pra heta piša «Viasna».
Uładzisłaŭ Pudziak
«Fłahštok» praanalizavaŭ sacyjalnyja sietki abvinavačanaha i znajšoŭ tam mahčymy «ŭkrainski śled». U mužčyny jość žonka, jakaja rodam z ukrainskaj vioski Dabranka. Nasieleny punkt znachodzicca na samaj miažy ź Biełaruśsiu, usiaho za 50 kiłamietraŭ ad Homiela.
Prakuror Homiela Juryj Bułyka praliŭ śviatło na asobu abvinavačanaha. Vystupajučy niadaŭna pierad rabotnikami AAT «Homsielmaš», jon raskazaŭ pra toje, što ŭ dziaržaŭnaj zdradzie abvinavačvajecca były načalnik adnaho z cechaŭ vytvorčaha abjadnańnia.
Pavodle źviestak «Fłahštoka» havorka idzie pra eks-načalnika transpartnaha cecha Departamienta zabieśpiačeńnia vytvorčaści AAT «Homsielmaš». Z 2014 pa 2019 hod Uładzisłaŭ Pudziak trojčy ŭvachodziŭ u skład učastkovych vybarčych kamisij u Homieli.
Sud prachodzić u zakrytym režymie.