Aryštavali sanitarku hłybockaj lakarni
Sanitarku hłybockaj lakarni aryštavali na 12 sutak za zachoŭvańnie ŭ telefonie vyjavy hierba «Pahonia», paviedamlajuć pravaabaroncy.
Sudździa suda Hłybockaha rajona Alaksandr Alaksiejenka 29 maja pastanaviŭ aryštavać Natallu Mićko na 5 sutak za raspaŭsiud u sacyjalnych sietkach «ekstremisckich» materyjałaŭ i na 7 sutak za pikietavańnie ŭ internecie.
Pryčynaj takoha pakarańnia stała toje, što ŭ telefonie sanitarki znajšli vyjavu «… vieršnika na kani sa ščytom i miačom («Pahoniu») na bieł-čyrvona-biełym fonie».
«Ekstremizm» znajšli supracoŭniki Hłybockaha RAUS, u vyniku čaho było składziena dva pratakoły ab administracyjnym pravaparušeńni, piša «Viciebskaja viasna».