Rost taryfaŭ u ŽKH adviazali ad dalara i pryviazali da bazavaj vieličyni
Alaksandr Łukašenka 13 červienia padpisaŭ ukaz «Ab pryniaćci mier u halinie cenaŭtvareńnia», paviedamiła jahonaja pres-słužba.
Dakumient nakiravany na «zabieśpiačeńnie adzinaha padychodu ŭ halinie cenaŭtvareńnia i ŭstalavańnie najbolš prazrystaha miechanizmu farmiravańnia ekspartnych cen na asobnyja tavary».
Hetym ukazam uniesieny źmieny va ŭkaz ad 5 śniežnia 2013 hoda № 550, jakimi praduhledžana, što maksimalna dapuščalny rost płaciažoŭ nasielnictva za žyllova-kamunalnyja pasłuhi nie pavinien pieravyšać 0,5 bazavaj vieličyni (18,5 rubla).
Raniej rost kamunałki abmiažoŭvali dalaravym ekvivalentam. Tak, za hod siaredni rachunak na typavuju dvuchpakajovuju kvateru z tryma zarehistravanymi žycharami moh vyraści nie bolš, čym na piać dalaraŭ (13 rubloŭ).
Čytajcie taksama:
Kredyty na žyllo stali tańniejšymi. Voś što ciapier prapanujuć
Ekanamist tłumačyć, jak dabrabyt biełarusa źviazany z canoj na harełku i śvininu