U Minskaj vobłaści ładziać mabilizacyjnyja vučeńni sa zborami
Jany projduć z 21 pa 30 červienia.
Ilustracyjnaje fota: «Naša Niva»
Z 21 pa 30 červienia 2023 hoda z vajskovymi kamisaryjatami Minskaj vobłaści buduć pravodzicca mabilizacyjnyja vučeńni, piša Minabarony ŭ telehram-kanale.
Paviedamlajecca, što takija vučeńni ładziacca štohod. Ich asnoŭnaja meta — acanić stupień hatoŭnaści miascovych vykanaŭčych orhanaŭ, vajskovych kamisaryjataŭ, dziaržorhanaŭ i arhanizacyj vykonvać zadačy pa pryznačeńni.
U časie vučeńniaŭ płanujecca vykanańnie mierapryjemstvaŭ pa razhortvańni abjektaŭ infrastruktury, pryciahnieńni vajennaabaviazanych i aŭtamabilnaj techniki, u tym liku ŭ intaresach ukamplektavańnia vajskovych kamisaryjataŭ.