Andreja Pačobuta pieraviali ŭ navapołackuju kałoniju
«Andrej Pačobut źjechaŭ adbyvać pakarańnie ŭ Navapołack. Paviedamiŭ u liście ź Viciebska, dzie spyniaŭsia padčas etapu pa šlachu ŭ navapołackuju kałoniju», — napisała ŭ fejsbuku jahonaja žonka.
Andrej Pačobut. Fota: sb.by
Viarchoŭny sud 26 maja razhledzieŭ apielacyjnuju skarhu palitviaźnia Andreja Pačobuta. Sudździa Ihar Lubavicki pakinuŭ prysud Pačobutu bieź źmien, a skarhu — biez zadavalnieńnia. U chutkim časie palitviaźnia pieraviaduć u kałoniju, pisała «Viasna».
Andreja Pačobuta abvinavacili pavodle art. 361 KK — «Zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś», a taksama pavodle art. 130 KK — «Raspalvańnie rasavaj, nacyjanalnaj, relihijnaj albo inšaj sacyjalnaj varožaści». Praces u Hrodzienskim abłasnym sudzie ŭ zakrytym režymie razhladaŭ sudździa Dźmitryj Bubienčyk. U lutym Pačobutu prysudzili 8 hadoŭ kałonii.
Čytajcie taksama:
Andrej Pačobut dapuskaŭ, što jaho mohuć rasstralać
Polski MZS pra Pačobuta: Bolš składana naškodzić tamu, pra kaho viedaje ŭvieś śviet
Sakret niazłomnaści. Andrej Pačobut, zakładnik Alaksandra Łukašenki, śviatkuje 50-hodździe ŭ turmie