U Kijeŭ ź nieabvieščanym vizitam pryjechaŭ prezident Polščy
Prezident Polščy Andžej Duda ŭ sieradu prybyŭ u Kijeŭ ź nieanansavanym vizitam. Pra heta ŭ tvitary paviedamiła kancylaryja polskaha prezidenta.
Andžej Duda. Fota: Marek Borawski / KPRP
Padčas vizitu Duda praviadzie pieramovy z prezidentam Ukrainy Uładzimiram Zialenskim, padčas jakich buduć abmiarkoŭvacca pytańni śviatkavańnia Dnia Kanstytucyi Ukrainy. Taksama prezidenty abhavorać situacyju ŭ zonie bajavych dziejańniaŭ va Ukrainie i pahrozu rasijskaj ataki na Zaparožskuju AES.
Duda i Zialenski taksama abmiarkujuć padrychtoŭku da lipieńskaha samitu NATO ŭ Vilni.
Raniej stała viadoma, što ŭ Kijeŭ prybyŭ prezident Litvy Hitanas Naŭsieda. Kamientujučy svaju pajezdku va ŭkrainskuju stalicu, Naŭsieda adznačyŭ, što pryjechaŭ pierad vilenskim samitam z hałoŭnym mesedžam — «miesca Ukrainy ŭ NATO», jak piša «Ukrainskaja praŭda».