Łukašenka: «Zaprasili žurnalistaŭ, jakija na duch nie pieranosiać ruskaha čałavieka»
Kiraŭnik Biełarusi zreahavaŭ na intervju Miadźviedzieva razdražnionaściu.
Kiraŭnik Biełarusi zreahavaŭ na intervju Miadźviedzieva razdražnionaściu.
«Ja pahladzieŭ stenahramu sustrečy Miadźviedzieva z našymi žurnalistami i pierakanaŭsia, što jana była absalutna biessensoŭnaj», — cytuje ahienctva Interfaks kiraŭnika Biełarusi, jaki sustrakaŭsia ŭ Miensku z udzielnikami Rady kiraŭnikoŭ dziaržaŭnych infarmacyjnych ahienctvaŭ krainaŭ SND.
«Zaprasili žurnalistaŭ, jakija na duch nie pieranosiać ruskaha čałavieka, choć by z nami parailisia», — hrymieŭ Łukašenka.
«Kažuć, što heta simietryčny adkaz na sustrečy Łukašenki z rasijskimi žurnalistami. pry tym, kažuć, apazicyjnymi žurnalistami… My pravodzim hetyja sustrečy, kab raskazać praŭdu pra siabie, bo Rasija stopracentna nia viedaje, čym žyvie Biełaruś».
«Ja padumaŭ, a što hetaja sustreča daść?» «Mianie ukałoć?
Tak, ja spakojna da hetaha staŭlusia, užo ukołaŭ chapiła. Tamu hladžu, što vyjšła prosta pustaja sustreča, jość prosta fakt sustrečy», — zajaviŭ A.Łukašenka.