Palitviazień Uładzimir Haroch u źniavoleńni mocna schudnieŭ i tracić zuby
Uładzimira niepakoić artroza-artryt kalennych sustavaŭ. Taksama pačali vypadać zuby — na vierchniaj skivicy zastałosia ŭsiaho šeść zuboŭ. Taksama jon nastolki schudnieŭ, što chadziŭ, trymajučysia za ścieny, paviedamlaje Hrodna.life.
Usiu zimu, pavodle słoŭ syna, Uładzimir pravioŭ u ŠIZA. Za apošnija paŭhoda jamu ŭdałosia pieradać usiaho adnu pieradaču. Syn źviazvaje heta z drennym charčavańniem i adsutnaściu vitaminaŭ.
Žoncy Uładzimira taksama pryjšłosia pakinuć Biełaruś. U krasaviku 2023 hoda siłaviki pryjšli da jaje dadomu. Syn palitviaźnia pakinuŭ Biełaruś jašče ŭ žniŭni 2020 hoda.
Nahadajem, Uładzimir Haroch byŭ zatrymany 18 žniŭnia 2020 hoda pa tak zvanaj «Karelickaj spravie» — ab biesparadkach, jakija nibyta płanavalisia ŭ Kareličach i Navahrudku paśla prezidenckich vybaraŭ. U śniežni 2020-ha jamu prysudzili siem hadoŭ kałonii.
Padtrymajcie Uładzimira listami i telehramami: Turma №4, 212011, Mahiloŭ, Krupskaj, 99A, Harochu Uładzimiru Uładzimiraviču.
Čytajcie taksama:
U Babrujsku znoŭ asudzili stryječnaha brata bajca pałka Kalinoŭskaha i dadali jašče paŭhoda kałonii
Smarhoniec Ramuald Ułan raskazaŭ, za što jaho zatrymali na siem sutak