Sumu, patrebnuju biełaruskamu kubincu dla apłaty pasłuh advakata, sabrali za niekalki hadzin
Biełarusy znoŭ pakazali cudoŭny prykład salidarnaści i ŭzajemadapamohi. Kubincu ź Biełarusi Rabierta Valdesu Kasanueva, jaki apynuŭsia pierad pahrozaj departacyi ź Litvy, patrebnyja jamu 1900 jeŭra na advakata sabrali za ličanyja hadziny.
Rabierta Valdes Kasanueva z kiraŭnikom fondu Bysol Andrejem Stryžakom. Fota: facebook.com/andrej.strizhak
Kubiniec Rabierta Valdes Kasanueva, jaki 30 hadoŭ pražyŭ u Biełarusi, a ŭ 2020 hodzie aktyŭna padtrymaŭ našy pratesty, nie zmoh atrymać status uciekača ŭ Litvie. Ni ŭ Biełaruś, ni na Kubu pa zrazumiełych pryčynach jon viarnucca nie moža, tamu choča zmahacca za svaje pravy.
Ciapier Rabierta budzie padavać apielacyju na rašeńnie litoŭskich čynoŭnikaŭ, i biez pasłuh imihracyjnaha advakata jamu tut nie abyścisia. Dla ich apłaty akurat i źbiralisia hrošy. Zastajecca spadziavacca, što ŭsio budzie nie darma.
Čytajcie taksama:
Biełarus Vital Tysieŭ, jakomu pahražaje paralič paśla źbićcia siłavikami, znoŭ prosić dapamohi
Biełarusy za sutki sabrali hrošy na lekavańnie i reabilitacyju aktyvistu ź Biarozaŭki