U Japonii amal stvaryli leki, jakija dazvalajuć adroščvać adsutnyja zuby
Japonskaja daśledčaja hrupa dasiahnuła prahresu ŭ raspracoŭcy navatarskich lekaŭ, dziakujučy jakim ludzi zmohuć samastojna vyroščvać novyja zuby. Takaja pracedura pieršapačatkova budzie pryznačanaja dla tych, u kaho adsutničaje poŭny nabor darosłych zuboŭ z-za pryrodžanych faktaraŭ.
Fota: Andriy Onufriyenko / Getty Images
Pa infarmacyi japonskaha vydańnia The Mainichi, pieršyja ŭ śviecie leki dla samastojnaj rehienieracyi zuboŭ vielmi chutka pačnuć testavać na ludziach. Na hety momant ašałamlalny pośpiech byŭ dasiahnuty tolki na myšach.
Jašče ŭ 2005 hodzie japonskija navukoŭcy vyjavili ŭ myšej hien, jaki vyrablaje białok USAG-1, što pieraškadžaje rostu zuboŭ. Daśledčyki adrazu ž pačali aktyŭna šukać sposab, jak zabłakavać dziejańnie hetaha białku. Tak, navukoŭcy na čale z Kacu Takachašy, viadučym daśledčykam Miedycynskaha daśledčaha instytuta Kitana ŭ horadzie Osaka, zajavili, što zdoleli raspracavać antycieły suprać USAG-1.
Spačatku ekśpierymienty pravodzilisia na myšach z pryrodžanymi zubnymi chvarobami, i heta dało vielizarny vynik — adsutnyja zuby ŭ ich sapraŭdy całkam adraśli. Paźniej ekśpierymient praviali paŭtorna jašče i na tych myšach, u jakich z zubami prablem nie było, adnak u hetych hryzunoŭ pa vyniku zuby praraśli pamiž tymi, jakija ŭžo isnavali.
«Ideja vyroščvać novyja zuby prosta ŭ skivicy — heta mara kožnaha stamatołaha. Ja pracavaŭ nad hetym z taho času, jak byŭ aśpirantam. Ja byŭ upeŭnieny, što zmahu heta ažyćciavić i dasiahnuŭ značnych pośpiechaŭ. Hety preparat całkam źmienić praviły hulni ŭ stamatałohii», — adznačyŭ Kacu Takachašy.
I choć pakul što ekśpierymienty pravodziacca tolki na žyviołach, ale ŭ lipieni 2024 hoda preparat płanujuć vykarystoŭvać užo na ludziach. Zrabić cuda-preparat całkam prydatnym dla lačeńnia kamanda navukoŭcaŭ płanuje ŭ 2030 hodzie. Spačatku navukoŭcy chočuć pierakanacca, ci niama jakich-niebudź pabočnych efiektaŭ.
Spačatku płanujecca ŭžyvać novuju technałohiju na dzieciach ad 2 da 6 hadoŭ, u jakich pa roznych pryčynach nie rastuć zuby. Paźniej mahčymaść vyraścić novyja zuby źjavicca i ŭ darosłych, tamu im možna budzie abirać pamiž pryjomam lekaŭ dla ich rehienieracyi ci prostym ustaŭlańniem pratezaŭ.
Čytajcie taksama:
Uvodziać rehulavańnie taryfaŭ na ŭsie stamatałahičnyja pasłuhi
Doktarka raskazała, ci sapraŭdy žavalnaja humka abaraniaje ad karyjesu
Paradantoz spryčyniaje i inšyja chvaroby: navat paskaraje demiencyju