Viarchoŭny sud razhledzić pazoŭ ab likvidacyi partyi Paźniaka
Razhlad pazovu Miniusta ab likvidacyi Kansiervatyŭna-chryścijanskaj partyi BNF zapłanavany na 20 lipienia.
Zianon Paźniak. Fota: «Naša Niva»
KCHP — BNF była stvoranaja ŭ 1999 hodzie paśla raskołu Partyi BNF i prasoŭvała, jak vynikaje z nazvy, kansiervatyŭnyja nacyjanalnyja kaštoŭnaści.
Nahadajem, što zhodna z novym zakonam usie partyi pavinny prajści pierarehistracyju. Pryčym u partyi pavinna być nie mienš za piać tysiač čalcoŭ. Taksama partyi musiać padać u Miniust piersanalnyja źviestki.
Partyja «Zialonyja» admoviłasia padavać takija źviestki, i pačaŭsia praces jaje likvidacyi. Napeŭna taki ž los čakaje partyju «Spraviadlivy śviet» i AHP.
Pierarehistracyju ŭ Miniuście prajšli Libieralna-demakratyčnaja partyja, Kamunistyčnaja partyja Biełarusi, Respublikanskaja partyja pracy i spraviadlivaści.
Była taksama zarehistravanaja navastvoranaja Biełaruskaja partyja «Biełaja Ruś».