Škłoŭ i Žodzina ŭ nastupnym hodzie całkam pieraviaduć na elektrobusy — Hałoŭčanka
Premjer-ministr Raman Hałoŭčanka paabiacaŭ, što paśla realizacyi piłotnych prajektaŭ harady Žodzina i Škłoŭ piarojduć da kanca 2024 hoda na elektryčny hramadski transpart, paviedamiła BiełTA.
Raman Hałoŭčanka razhladaje elektrobus na «Biełkamunmašy». Fota: pres-słužba ŭrada
«Pakul kompleksnaj stratehii pa inšych haradach niama, tamu što my pavinny acanić efiekt choć by pa vynikach pieršaha hoda ekspłuatacyi», — skazaŭ Hałoŭčanka.
Jon adznačyŭ, što mała taho što ŭ Biełarusi jość dva paŭnavartasnyja sieryjnyja vytvorcy elektratranspartu, MAZ i «Biełkamunmaš», dyk stvorany, maŭlaŭ, i ŭłasnaja škoła, najvyšejšy ŭzrovień łakalizacyi, zaradnaja infrastruktura.
«My hatovyja da ŭkaranieńnia. Viadoma, heta niatanna. Ale biez takoha skačka my nie piarojdziem da masavaha ŭkaranieńnia elektratranspartu», — zajaviŭ čynoŭnik.
Jon taksama paviedamiŭ, što ŭ 2027—2028 hadach nibyta «košt elektrobusa pavinien zraŭniacca z koštam aŭtobusa na tradycyjnym palivie».
Čytajcie taksama:
U rasijskich aeraportach niamieckija aŭtobusy mianiajuć na biełaruskija elektrobusy
Hałoŭčanka prapanuje stvarać «Jeŭrazijski elektrobus». Ale heta moža być i parachod
MAZ stvaryŭ pieršy elektrobus: vyhladaje jak zubr, z kandycyjanieram i USB-zaradkami FOTA