Biełaruś i Rasija pakul nie damovilisia ab roście taryfu na tranzit nafty
Rasija i Biełaruś praciahvajuć abmiarkoŭvać pavyšeńnie taryfu na tranzit nafty pa paŭnočnaj halinie trubapravoda «Družba», adnak kansensusu pakul niama. Pra heta paviedamiŭ žurnalistam kiraŭnik rasijskaha Minenierha Mikałaj Šulhinoŭ u kułuarach samitu Rasija — Afryka ŭ Sankt-Pieciarburhu.
«Praciahvajem damaŭlacca. Pakul niama kansensusu», — skazaŭ Mikałaj Šulhinoŭ, jakoha cytuje TASS.
Raniej Biełaruś chacieła z 1 lipienia 2023 hoda pavysić na 84% taryf na prapampoŭku nafty pa svaim učastku naftapravoda «Družba» dla kampiensacyi strat ad źnižeńnia pastavak rasijskaj nafty. Z takoj prapanovaj źviartałasia «Homieltransnafta Družba» da rasijskaj «Transnafty».
«Transnafta», adnak, adznačyła, što faktyčna nie atrymała ad Biełarusi abhruntavańnia pavyšeńnia taryfu prapampoŭki nafty pa «Družbie», a tamu nie zhodnaja z prapanovaj biełaruskaha boku.
Čytajcie taksama:
Biełaruś źmienšyła ekspartnyja myty na naftu i naftapradukty
Jeŭrasajuz zaćvierdziŭ novy pakiet sankcyj suprać Rasii
Rasija prapanuje Biełarusi kabatažnyja pieravozki na akupavanyja terytoryi Ukrainy