Žychara Čyžoŭki asudzili da 7 hadoŭ kałonii za administravańnie Telegram-kanała rajona
27 lipienia ŭ Minskim haradskim sudzie da 7 hadoŭ kałonii va ŭmovach uzmocnienaha režymu asudzili 34-hadovaha palitźniavolenaha minčuka Jaŭhiena Vierchavodkina.
Jaho abvinavacili ŭ administravańni Telegram-kanała «Čižovka Čyžoŭka (Sieḿ čižiej InfoPole)», jaki pryznali «ekstremisckim farmavańniem» 2 śniežnia 2022 hoda. Taksama jaho pryznali vinavatym u «zakliku da sankcyj».
Jaŭhiena abvinavacili ŭ tym, što jon, administrujučy kanał, zaklikaŭ vychodzić biełarusaŭ na akcyi pratestu, redahavaŭ pasty, paśla jakich nibyta na zavodach byli strajki i h. d.
Prysud vyniesła sudździa Anžeła Kaciukievič.