Minabarony abviaściła pra vučeńni niepadalok ad Hrodna
Siońnia pačynajucca kamandna-štabnyja vučeńni 6-j asobnaj hvardziejskaj miechanizavanaj bryhady. Jany buduć prachodzić na palihonie Hožski i ŭčastkach miascovaści ŭ Hrodzienskaj vobłaści, paviedamiła Minabarony Biełarusi ŭ svaim telehram-kanale.
Fota: Minabarony Biełarusi
Padčas vučeńniaŭ buduć adpracavanyja pytańni kiravańnia padraździaleńniami ŭ chodzie viadzieńnia bajavych dziejańniaŭ.
Pry padrychtoŭcy aktyŭna vykarystoŭvaŭsia dośvied vajny va Ukrainie, a mienavita:
- šyrokaje prymianieńnie bieśpiłotnych latalnych aparataŭ;
- ciesnaje ŭzajemadziejańnie tankavych i motastrałkovych padraździaleńniaŭ z padraździaleńniami inšych rodaŭ vojskaŭ.
U chodzie vučebna-bajavych dziejańniaŭ buduć adpracavanyja pytańni taktyčnaj miedycyny, u tym liku evakuacyja ŭmoŭna paranienych, jak paviedamiła Minabarony.