Park vysokich technałohij uznačaliŭ były supracoŭnik KDB
Na sajcie Parka vysokich technałohij u raździele «Kiraŭnictva» źjaviłasia abnoŭlenaja infarmacyja. Kiraŭnikom Sakrataryjata naziralnaj rady PVT staŭ Alaksandr Bazanaŭ.
Namieśnikami načalnika sakrataryjata naziralnaj rady PVT na hety momant źjaŭlajucca Kirył Zaleski, Ivan Žyźnieŭski i Alaksandr Marcinkievič, na hetu infarmacyju źviarnuła ŭvahu kv.by.
Fota: park.by
Alaksandr Bazanaŭ skončyŭ Połacki dziaržaŭny ŭniviersitet. Pracavaŭ na roznych pasadach u Kamitecie dziaržaŭnaj biaśpieki, dziaržaŭnym sakrataryjacie Rady biaśpieki, MZS i aparacie Saŭmina. Ź listapada 2010 hoda pracavaŭ dyrektaram infarmacyjna-analityčnaha centra pry administracyi prezidenta Respubliki Biełaruś.
Rearhanizacyja struktury parka prachodziła ŭ adpaviednaści z Ukazam № 102 «Ab raźvićci Parka vysokich technałohij», jaki byŭ padpisany Alaksandram Łukašenkam 12 krasavika 2023 hoda.