Saładucha pachvaliŭsia, što za hod zarablaje 100—150 tysiač dalaraŭ
U intervju sb.by praŭładny śpiavak Alaksandr Saładucha raskazaŭ, što za hod jon zarablaje 100—150 tysiač dalaraŭ, i heta tamu, što ŭ Biełarusi stvoranyja, maŭlaŭ, umovy, «kab dobra pracavać i šykoŭna zarablać».
Fota: «Anłajnier»
«U luboj spravie jość miehalidary, siaredniaki i tyja, chto nie choča pracavać, — jany znachodziacca ŭnizie», — śćviardžaje Saładucha.
Pra siabie ž jon kaža:
«Davodziŭ i davodžu biełaruskamu narodu: u našaj krainie stvorany ŭsie ŭmovy, kab dobra pracavać i šykoŭna zarablać. Pa-mojmu, ja hetamu jaskravy prykład».
U jakaści dokazu svajho dabrabytu śpiavak pryvioŭ ułasny dom z tabličkaj «Rezidencyja Alaksandra Saładuchi» za vioskaj Stročyca, «a jašče raskošny aŭtobus, aŭtamabili, adpačynak u luboj krainie śvietu, klipy, kaściumy».
U cełym, havoryć Saładucha, za hod jahony zarobak składaje ad 100 da 150 tysiač dalaraŭ.
Niadaŭna błohier Siarhiej Biaspałaŭ abzvońvaŭ «zorak» biełaruskaj praŭładnaj estrady i pytaŭsia ŭ ich, ci nie pahadzilisia b jany paciešyć svajoj tvorčaściu najmitaŭ z PVK «Vahnier» u łahiery pad Asipovičami. Saładucha achvotna pahadziŭsia vystupić, paprasiŭ za paŭhadzinnaje ci hadzinnaje vystupleńnie 3 tysiačy dalaraŭ i byŭ hatovy nibyta na prośbu Jaŭhiena Pryhožaha vystupać u kaściumie arabskaha šejcha.
Na pieśni ž «Zdravstvuj, čužaja miłaja» Saładucha nibyta zarabiŭ ceły miljon dalaraŭ.
Čytajcie taksama:
Saładuchu i Darafiejevu adpraviać pracavać na zavod
Saładucha praśpiavaŭ pieśniu «Za ahranoma» i atrymaŭ miedal
Ad Saładuchi da Karža. Što biełaruskija sielebryci pościać padčas vajny i jak pra jaje vykazvajucca