Pryznačany novy načalnik Bresckaj pamiežnaj hrupy
Maksim Butraniec pryznačany novym načalnikam Bresckaj pamiežnaj hrupy zahadam ad 1 žniŭnia, paviedamiła pres-słužba Bresckaha abłvykankama.
Maksim Butraniec. Skryn videa
Novaha načalnika Bresckaj pamiežnaj hrupy imia Dziaržynskaha pradstaviŭ staršynia Dziaržaŭnaha pamiežnaha kamiteta Respubliki Biełaruś Kanstancin Mołastaŭ.
Maksim Butraniec naradziŭsia ŭ 1978 hodzie ŭ rasijskim Śviardłoŭsku. U 2001 hodzie skončyŭ Vajskovuju Akademiju RB (pamiežny fakultet), u 2008 hodzie skončyŭ Akademiju fiederalnaj słužby biaśpieki RF.
Byŭ namieśnikam načalnika Homielskaj pamiežnaj hrupy. U lipieni 2015 hoda pryznačany načalnikam Pinskaha pahranatrada. Z 2018 da 2021 h. uznačalvaŭ Smarhonskuju pamiežnuju hrupu.
Minuły načalnik Bresckaj pamiežnaj hrupy Ihar Hutnik u lipieni byŭ pryznačany namieśnikam staršyni Dziaržpahrankamiteta. Jon zaniaŭ miesca zvolnienaha ŭ zapas Siarhieja Novikava.
U kancy maja źmianiŭsia i načalnik DPK. Im staŭ Kanstancin Mołastaŭ, jaki adkazvaŭ za Bruzhi ŭ čas ataki mihrantami na Polšču. Načalnik DPK Anatol Łapo byŭ adpraŭleny ŭ zapas.