Stali viadomyja padrabiaznaści abłavy ŭ Žłobinie
Niadaŭna pravaabaroncy paviedamlali pra zatrymańni ŭ Žłobinie. Stali viadomyja jaje padrabiaznaści.
Źleva naprava, źvierchu ŭniz: Alaksiej Aŭdziejeŭ, Kaciaryna Zaičkova, Alaksandr Savicki, Maksim Kaliničenka
Padčas abłavy zatrymali paru — 28-hadovaha Alaksieja Aŭdziejeva i 26-hadovuju Kaciarynu Zaičkovu. Alaksiej pracavaŭ na Biełaruskim mietałurhičnym zavodzie, ale byŭ zvolnieny za ŭdzieł u stačcy 26 kastryčnika 2020-ha. Ciapier padpracoŭvaje tarhietołaham, a Kaciaryna zarablaje fatahrafijaj.
Jak paviedamlajecca ŭ kanale siłavikoŭ, suprać Kaciaryny zaviali administracyjnuju spravu za padpisku na «Lusterka» ŭ instahramie, a suprać Alaksieja — kryminalnuju za ŭdzieł u pratestach suprać falsifikacyi vybaraŭ u Žłobinie. Alaksiej ciapier u IČU h. Žłobin.
Doma ŭ pary ŭ vioscy Pirevičy, a taksama ŭ ich baćkoŭ adbylisia vobšuki, paviedamlali raniej pravaabaroncy.
Jašče adzin zatrymany — 37-hadovy Alaksandr Savicki. Kali vieryć sacsietkam, mužčyna pracuje na Žłobinskaj TEC. Jaho vynivaciać va ŭdziele ŭ paślavybarčych pratestach.
Za heta ž zatrymali i 21-hadovaha Maksima Kaliničenku. U videa siłavikoŭ chłopiec kaža, što pracuje na puciavoj mašynnaj stancyi №117 «Žłobin-Paŭnočny».
Čytajcie taksama:
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ
Jak nadziejna vyčyścić foty z vašych smartfonaŭ — padrabiazny hajd