Mašynist elektryčki Stoŭbcy — Minsk raptoŭna pamior na pracoŭnym miescy padčas ruchu ciahnika
Raptoŭnaja śmierć mašynista elektraciahnika na pracoŭnym miescy adbyłasia 21 žniŭnia, paviedamlaje Supolnaść čyhunačnikaŭ.
Na ŭčastku Nieharełaje — Kojdanava dyśpietčaru ad łakamatyŭnaj bryhady pastupiła infarmacyja ab nieabchodnaści vykliku chutkaj miedycynskaj dapamohi. Dapamohu vyrašyli akazvać na stancyi Kojdanava.
Elektryčkaj da Kojdanava kiravaŭ pamočnik mašynista.
Na stancyi Kojdanava ŭ 6:08 rabotniki chutkaj miedycynskaj dapamohi kanstatavali śmierć mašynista, 1976 hoda naradžeńnia. Jon pracavaŭ u matoravahonnym depo Minska z 1998 hoda.
Papiarednie mierkavanaj pryčynaj śmierci stała vostraja sardečnaja niedastatkovaść.
Pasažyry ciahnika byli pierasadžany na nastupnuju pa raskładzie elektryčku.
Aficyjnaj infarmacyi na hety kont nie było.
Čytajcie taksama:
Biełčyhunka nazvała ŭčastki, dzie biełarusy čaściej za ŭsio traplajuć pad ciahnik
Niekatoryja elektryčki źmieniać miesca adpraŭleńnia i prybyćcia ŭ Minsku