Wildberries znoŭ admianiŭ płatu za viartańnie tavaru, ale zamiest hetaha prydumaŭ niešta novaje
Papularny markietpłejs Wildberries znoŭ musiŭ admianić płatu za viartańnie tavaru, jakuju sprabavaŭ, niahledziačy na zabaronu Ministerstva antymanapolnaha rehulavańnia i handlu, uvieści ŭžo nie pieršy raz. Ale zrabić heta z 1 vieraśnia možna budzie ŭ adnym-adzinym punkcie va ŭsioj Biełarusi.
Fota ilustracyjnaje
Infarmacyja pra novaŭviadzieńnie źjaviłasia na sajcie Wildberries.
Z 1 vieraśnia viarnuć jakasny tavar možna biaspłatna tolki ŭ adnym punkcie pa ŭsioj Biełarusi. U raździele «Viartańnie tavaru» paznačana, što rabić heta buduć pa adrasie: Minsk, praśpiekt Pieramožcaŭ, d. 100.
«Pryčyny dla viartańnia tavaru naležnaj jakaści: nie padyšoŭ pamier, fason, koler, daŭžynia i da t. p. Termin viartańnia tavaru składaje 14 dzion z momantu atrymańnia, kali inšaha nie było ahavorana pry prodažy tavaru», — havorycca ŭ paviedamleńni.
Kupcam tavaru ź inšych rehijonaŭ, vidać, u takich vypadkach daviadziecca jechać u stalicu, časta za sotni kiłamietraŭ.
Čytajcie taksama:
Wildberries aštrafavali za płatnaje viartańnie tavaru
Wildberries znoŭ chacieŭ uvieści płatu za viartańnie tavaru, MARH znoŭ zabaraniła
Wildberries pasprabavaŭ źmienšyć termin zachoŭvańnia tavaraŭ, ale ŭrešcie adkruciŭ usio nazad