Biełaruskaja teatralna-falkłornaja studyja dla dziaciej u Vilni abviaščaje nabor
Udzieł mohuć brać dzieci 5—14 hadoŭ.
Biełaruskaja teatralna-falkłornaja studyja dla dziaciej u Vilni «Ŭ nieskładanaje» abviaščaje nabor na novy navučalny hod.
My zaprašajem na zaniatki dzietak ad 5 da 14 hadoŭ. U zaležnaści ad kolkaści navučencaŭ my sfarmujem dźvie ci try hrupy.
Zaniatki buduć prachodzić pa-biełarusku i składacca ź dźviuch častak:
- teatralnaje majsterstva (majsterstva akciora, sceničnaja mova);
- falkłorna-vykanaŭčyja praktyki (narodnyja tancy, vyvučeńnie muzyčnych instrumientaŭ).
Taksama ŭ miežach zaniatkaŭ płanujucca majstar-kłasy pa vyjaŭlenčym mastactvie, narodnych śpievach i jašče šmat čaho cikavaha.
Vykładčyki — akcior teatra i kino z 25-hadovym dośviedam Siaržuk Toŭścikaŭ i vykanaŭca na dudzie, navukoviec Viačka Krasulin.
Zaniatki buduć prachodzić u suboty pa adrasie Maironio g., 11 (pryvatnaja škoła Stembridge). Taksama my razhladajem mahčymaść praviadzieńnia jašče adnych zaniatkaŭ uviečary ŭ budnyja dni.
Košt našych zaniatkaŭ — 50 jeŭra za miesiac (mahčymyja źnižki dla siemjaŭ, jakija znachodziacca ŭ składanaj materyjalnaj situacyi).
Arhanizacyjnaja sustreča dla baćkoŭ i dzietak adbudziecca 2 vieraśnia ŭ 11:00 (Stembridge, Maironio, 11).
Kali vy zacikaŭlenyja ŭ naviedvańni studyi, a taksama nakont usich inšych pytańniaŭ pišycie ŭ asabistyja paviedamleńni ŭ telehramie na @unieskladanaje_contact.