«Biełavija» znoŭ abviaściła źnižku na kvitki
Avijakampanija «Biełavija» čarhovy raz abviaściła pra źnižki na kvitki. Praŭda, aščadzić hetym razam možna tolki na palotach u adzin horad.
Deli. Fota: Rian Hidayat / vecteezy.com
Jak paviedamili ŭ pres-słužbie avijakampanii, na rejsy ź Minska ŭ Deli i nazad prapanujuć źnižku 30% pa promakodzie FLYTODELHI30. Skarystacca promakodam možna ŭžo ciapier. Jon budzie dziejničać pa 24 žniŭnia ŭklučna i tolki na sajcie belavia.by.
«Promakod raspaŭsiudžvajecca na pramyja rejsy ź Minska ŭ Deli i nazad, a źnižka prymianiajecca da taryfnych brendaŭ SMART i FLEX, ale nie raspaŭsiudžvajecca na taksy i zbory. Na kvitki, nabytyja sa źnižkaj, raspaŭsiudžvajucca praviły abranaha taryfu», — raskazali ŭ «Biełavija».
Kvitki pa źnižanaj canie možna kupić dla padarožžaŭ, jakija vypaduć na daty z 25 žniŭnia pa 9 vieraśnia. Na hety momant bieź źnižki na sajcie možna znajści kvitki ad 959,5 rubla na pramy rejs Minsk — Deli.
Čytajcie taksama:
U kastryčniku adnaŭlajucca čartary ŭ Katar
«Biełavija» prypyniaje akazańnie šeraha pasłuh
«Biełavija» pradała adzin sa svaich «Boinhaŭ»
Z «Biełavija» razryvaje supracoŭnictva nacyjanalnaja avijakampanija AAE