U Minsku pastaviać hihancki pomnik Alaksandru Nieŭskamu. Stała viadoma dzie
Pomnik źjavicca na pierakryžavańni vulic Staravilenskaj i Navavilenskaj, niepadalok ad pasolstva Rasii.
Alaksandr Nieŭski. Ilustracyja z sajta souzveche.ru
U Minsku na skryžavańni Navavilenskaj i Staravilenskaj vulic sioleta moža źjavicca pomnik pałkavodcu Alaksandru Nieŭskamu. Pra heta ŭ razmovie sa «Sputnikam» zajaviŭ pasoł Rasii ŭ Biełarusi Barys Hryzłoŭ.
— Ideja budaŭnictva pomnika Alaksandru Nieŭskamu źjaviłasia nie tak daŭno. U minułym hodzie pačali ŭvasablać hetaje rašeńnie ŭ žyćcio. Padtrymku akazaŭ Alaksandr Łukašenka. Ciapier pasolstva Rasii ŭ Biełarusi zajmajecca hetym prajektam. Heta budzie vialikaja konnaja skulptura, vyšynia da vierchniaha punkta 11,5 mietra z ulikam pastamienta. Iduć raboty pa zalivańni asnovy pastamienta, ja dumaju, što my zmožam hety pomnik adkryć sioleta, — skazaŭ Hryzłoŭ.
Adznačajecca, što miesca dla hetaha pomnika było abrana Minskim harvykankamam. Heta skryžavańnie Navavilenskaj i Staravilenskaj vulic.
Pomnik Alaksandru Nieŭskamu, jaki kniažyŭ u siaredzinie CHIII stahodździa, nie ŭnikalny dla Biełarusi. Jon jość u Viciebsku.