Kartki niekatorych bankaŭ mohuć nie pracavać 2 i 4 vieraśnia
Z-za zapłanavanych techničnych rabot kartki bankaŭ, jakija absłuhoŭvajucca Bankaŭskim pracesinhavym centram, mohuć funkcyjanavać ź pierabojami. Niepaładki mohuć naziracca i pry bieskantaktnaj apłacie.
Bankaŭski pracesinhavy centr paviedamiŭ, što 2 vieraśnia budzie pravodzić technałahičnyja raboty na svaim aparatna-prahramnym kompleksie — z 00:00 da 6:00 trymalniki kartaŭ bankaŭ, jakija absłuhoŭvajucca centram, mohuć sutyknucca ź pierabojami ŭ pracy ajčynnaha servisu bieskantaktnaj apłaty «Biełkart Pay».
Anałahičnyja raboty zapłanavanyja i na 4 vieraśnia ŭ pieryjad z 00:00 da 6:00 — u hety pramiežak času mohuć naziracca zboi pry absłuhoŭvańni ŭładalnikaŭ kartak u arhanizacyjach handlu i servisu, a taksama ŭ punktach vydačy najaŭnych, pryładach samaabsłuhoŭvańnia i bankamatach.
Partniorami Bankaŭskaha pracesinhavaha centra źjaŭlajucca nastupnyja biełaruskija banki: Biełarusbank, Biełahraprambank, Parytetbank, Bank «Rašeńnie», BTA Bank, Cepter Bank i BSB Bank.
Čytajcie taksama:
Ułady šukajuć źviestki ab płaciažach biełarusaŭ u zamiežnych internet-kramach
Padličana da rubla. Ministr ekanomiki raskazaŭ, jakim budzie zarobak u nastupnym hodzie
Sabrać dzicia ŭ škołu: ceny paraŭnoŭvajuć baćki ŭ Biełarusi, Litvie i Polščy